അദ്ദിക്ർ

നിനക്ക് അവതരിപ്പിച്ചിട്ടുള്ള ഒരു വേദമാണ് ഇത്, ഇതുമൂലം നിന്‍റെ ഹൃദയത്തില്‍ യാതൊരു പ്രയാസവും ഉണ്ടാവേണ്ടതില്ല, കാഫിറുകളെ നീ അതുകൊണ്ട് താക്കീത് ചെ യ്യുന്നതിനും വിശ്വാസികള്‍ക്ക് ഒരു അനുസ്മരണമായിക്കൊണ്ടുമാണ് അത് അവതരിപ്പിച്ചിട്ടുള്ളത് എന്ന് 7: 2 ലും; ഈ ഗ്രന്ഥം നാം നിന്നിലേക്ക് അവതരിപ്പിച്ചിട്ടുള്ളത് അതു കൊണ്ട് അവരവരുടെ നാഥന്‍റെ ഇംഗിതത്തോടുകൂടി മനുഷ്യരെ ഇരുട്ടുകളില്‍ നിന്ന് പ്ര കാശത്തിലേക്ക്-അജയ്യനും സ്വയം സ്തുത്യര്‍ഹനുമായവന്‍റെ വഴിയിലേക്ക്-നീ പുറപ്പെടുവിക്കുന്നതിന് വേണ്ടിയാണ് എന്ന് 14: 1 ലും പറഞ്ഞിട്ടുണ്ട്. പ്രകാശമായ അദ്ദിക്ര്‍ മൊത്തം മനുഷ്യര്‍ക്കുള്ളതാണെന്നും അതിനെ പിന്‍പറ്റുന്നവര്‍ മാത്രമേ വിജയം വരിക്കുകയുള്ളൂ എന്നും 7: 157-158 ല്‍ പറഞ്ഞിട്ടുണ്ട്. പരലോകം കൊണ്ട് നിഷേധിക്കുകയും അദ്ദിക്റിനെ വളച്ചൊടിച്ച് അതിനെ ബുദ്ധിമുട്ടുള്ളതാക്കി മാറ്റുകയും ചെയ്ത് അല്ലാഹുവിന്‍റെ മാര്‍ഗ്ഗത്തെത്തൊട്ട് ജനങ്ങളെ തടയുന്ന അക്രമികളുടെ മേലാണ് അല്ലാഹുവിന്‍റെ ശാപമുള്ളതെന്ന് 7: 45; 11: 18-19 സൂക്തങ്ങളിലും പറഞ്ഞിട്ടുണ്ട്. അല്ലാഹുവിന്‍റെ സമ്മതപത്രമായ അദ്ദിക്ര്‍ കൊണ്ട് മാത്രമേ ഒരാള്‍ വിശ്വാസിയാവുകയുള്ളൂ എന്ന് 10: 100 ല്‍ പറഞ്ഞിട്ടു ണ്ട്. 9: 67-68, 71-72; 17: 9 വിശദീകരണം നോക്കുക.